Аб’ём знешняга гандлю прадпрыемстваў, арганізацый, гаспадарак раёна за студзень-чэрвень 2010 года склаў 269,4 тысячы амерыканскіх долараў, з якіх на экспарт прыпадае – 210, на імпарт – 59,4. Фінансавы аб’ём экспарту ў параўнанні з аналагічным леташнім перыядам скараціўся на 29,6 тысячы амерыканскіх долараў, а імпарту – на 2370,5, або на 12,4 працэнта і ў 40,9 раза адпаведна.

Падведзены вынікі абласнога агляду-конкурсу ўтрымання і тэхнічнага стану жыллёвага фонду за 2009 год. У мэтах захаванасці жыллёвага фонду і падтрымання належнага санітарнага стану пастаянна вядзецца растлумачальная работа з жыльцамі па доглядзе за дапаможнымі памяшканнямі і перадачы пад’ездаў на грамадскую захаванасць. Але прынятых мер недастаткова для вырашэння праблем рамонту дахаў, стыкаў сценавых панэляў, замены зношаных інжынерных сістэм і абсталявання жылых дамоў. Якраз гэтыя пытанні найлепей вырашаюцца ў Бялыніцкім УКП “Жылкамгас”. Таму менавіта бялынічанам прысуджана ў аглядзе-конкурсе першае месца.

За студзень – ліпень 2010 года аб’ём выпушчанай прадукцыі (работ, паслуг) у фактычных адпускных цэнах па прамысловых прадпрыемствах раёна склаў 3384 млн рублёў, што ў супастаўных цэнах на 25,7% больш, чым за сем месяцаў мінулага года.

1 верасня парог Кудзінскай БШ упершыню пераступілі 7 мясцовых першакласнікаў. На святочнай лінейцы да школьнікаў, педагогаў  і бацькоў з віншавальнымі словамі звярнулася намеснік старшыні райвыканкама Надзея Серыкава.

Яшчэ ўчора гэта быў проста будаўнічы аб’ект па вуліцы Калініна, нулявы цыкл якога пачаўся ў сакавіку бягучага года. А сёння ў кожнай з дванаццаці кватэр трохпавярховіка ўжо гаспадараць навасёлы, дзеці якіх весяляцца на добраўпарадкаванай гульнёвай пляцоўцы.

Пяты шлюб быў зарэгістраваны напрыканцы ліпеня ў Машчаніцкім сельсавеце з пачатку года. Адзначым, што за аналагічны перыяд летась вузамі Гіменея тут злучылі свае лёсы толькі дзве маладыя пары.

Па інфармацыі начальніка аддзела фізкультуры, спорту і турызму райвыканкама Віктара Падольскага, у раёне налічваецца 4 турыстычныя аб’екты. Тры з іх – гэта аграэкасядзібы, якія размешчаны ў Цяхціне (гаспадар Міхаіл Нікіцёнак), Пільшычах (Фядора Конюхава) і ў райцэнтры па вуліцы Лясная (Мікалай Валькоў). Дзве з іх з’явіліся ў бягучым годзе.

Усмешлівая  і бестурботная, на першы погляд,  моладзь, якую вы бачыце на здымку, — маладыя спецыялісты Старасельскай школы. Яны толькі адзін год настаўнічаюць тут, але ўжо паспелі зарэкамендаваць сябе з лепшага боку.

Цудатворная ікона Маці Божай Бялыніцкай, якая знаходзіцца ў мясцовым праваслаўным храме, заміраточыла.

Днямі былі падведзены вынікі агляду-конкурсу па 47 крытэрыях сярод устаноў адукацыі раёна на званне “Навучальная ўстанова ўзорнага парадку” за 2009-2010 год.