Стала добрай традыцыяй у хлебаробаў СВК “Калгас “Радзіма” першымі ў раёне выходзіць на намалот у тысячу тон збожжа на камбайн. Вядома, для гэтага тут створаны ўсе неабходныя ўмовы. Па-першае, ураджайнасць зерневых і зернебабовых культур на мясцовых палетках – самая высокая ў раёне і нават сёлета, у не вельмі спрыяльны сельскагаспадарчы год, яна перавышае 40 цэнтнераў збожжа з гектара. Па-другое, няма роўных па прадукцыйнасці камбайнам “Нью Холанд”, на якіх, дарэчы, і ўстанаўліваюцца рэкорды жніва.

На здымку: старшыня райвыканкама Аляксандр Варонін і камбайнеры-«тысячнікі» (злева направа) Мікалай Дарэчкін, Сяргей Казакоў, Дзмітрый Рэміцёнак, Юрый Зайцаў.

Фота Васіля ДЗЕРАВЯШКІ.