ЦІХА ВЕТРЫК ПА ДРЭВАХ ГУЛЯЕ...

Ціха ветрык па дрэвах гуляе,
Сонца лашчыць травінкі твае,
Птушкі імя тваё паўтараюць:
— Край Прыдруцкі, як любы ты мне!
Вы зірніце, як фарбы красуюць,
Вы зірніце, як жыта расце,
Вы зірніце, як людзі працуюць
І прырода ад працы цвіце..
Край мой любы, табе – мае вершы,
Табе слава – ад веку ў век.
Ты – кавалачак Беларусі
І душы маёй вечны свет.

Максім ІГНАТОВІЧ,
вучань Запольскай САШ.

* * *
Жыву я ў Беларусі,
Радзімай ганаруся,
Чысцюткай рэчкай, небам,
Духмяным у хаце хлебам.
Я ганаруся песняй,
Што чую ў паднябессі,
І валошкаю ў полі,
І смакам нашай солі.
Жыву я ў Беларусі
І гэтым ганаруся.

Таццяна МЫСАВА,
вучаніца Цяхцінскага НПКДСШ.